كـــلام دردشـــة

فاكرين الإعلان ايل كان بيتذاع زمااااااااان بتاع واخيييييييرا زست .. أهو أنا اقدر أقول وقياسا على نفس الحالة والمـود المصاحب للإعـلان ده .. بعد يوم مليان أحداث وأقوال وأصوات وا وا وا .. واخيييييرا هاشعر بالراحة هنا في الركن ده .. عند مدونتي ايل بحبها، واصدقااااائي ايل بعتز بيهم فرد فرد ;)) حقيقة دي مش مجامـلة

بس لما جيت عشان اكتب حقيقي مش لاقيه حاجه محددة .. أو بالأخص ما فيش موضوع أو فكرة من ايل في بالي شداني أوي للكتابة عنها .. يا ترى اكتب عن حالة الشعور بالقلق والترقب ايل سايدة المجتمع الكويتي خاصة والخليجي عامة بحكاية الملف النووي الإيراني دي، والخوف من ضربة تكون السبب في كوارث بيئية تحل بالمنطقة كلها .. لا لا لا .. طيب نتكلم عن موريتانيا وتجربتها الديمقراطية ايل لو قعدنا ميت سنة احنا يا عرب، اعتقد مش هنوصلها .. لا .. خلينا نتكلم عن الجريمة البــشعة ايل حصلت في جامعة فرجينيا، وازاي بتحاول وسائل إعلام غربية مصحوبة ببعض الأقلام المغرضة إنها تشير ولو بطريقة غير مباشرة إن الإسلام وشرائط المتطرفين الانتحاريين كانت هي السبب ورا الجريمة دي، ويتعمدوا يعتموا كلهم على قصة بطولة الدكتور المصري شعـلان الله يرحمه، وحتى الغبي بوش يقـف ويشيد بواحد من الأساتذة الإسرائيليين ايل قتلوا في الحادثة ويتعمد تجاهل الإشارة لشعـلان .. ايل حسب ما قريت في مجلة روزا اليوسف إن عدد كبير من زملائه الأميركيين الغير مسلمين راحوا وحضروا صلاة الجنازة على روحه، تقـــديرا لمــوقفه ونـبله وتضحيته .. ( فاكرين كلمة مايكل مور لبوش أهي دي كلمة دايما معايا .. وهي الكلمة الأنسب حقيقي ليه shame on you mr president

أقولكم بلاش نتكلم النهارده في مواضيع عامة أو ملفات مفتوحة .. تزيد من شعورنا بالضعف والحالة ايل ما يعلم بيها الا ربنا دي .. ويبقى ما قدمناش وتوافقا مع الحالة النفسية الطيبة وايل ما كنتش طيبة أبدا ومنذ أيام ولربما إلى ساعتين مضوا لغاية ما كلمت الحاجة وأمدتني كلماتها بالحب والطمــأنينة والحمدلله، غير اني اعترف لكم بحاجه لاحظتها بس من غير ضحك،، من فضلكم دام عزكم ..

هي بس حاجه لحظتها .. يا جماعة فــين البنات .. عن جد أنا بدخل على مدونات بنات حلوة جدا .. بس ليه هما ما بيحاولوش يتواصلوا .. مدونتي دون المستوى .. ماشي طب بس واحدة . واحدة تمر وتقول يا هووووو أنا عديت من هنا .. أما غريبة صحيح .. اقول ايه الولاد اجدع منكم ههههههههههه ( حقيقة اعترف بيها على مضض ..........) يا لله بقى ما علينا

على فكرة يا جماعة .. بجد كل يوم يزيد إعجابي بعالمنا الافتراضي ده .. ويزيد ارتباطي بمدوناتكم وأقلامكم الجميلة اكتر واكتر .. أنا حقيقي بشكركم على وجودكم في عالمي .. وعلى ترحيبكم الجميل بوجودي في ( اذكــر جمع عالــم ههههههه) ..

ضحكة ما قبل نهاية اليوم .. لو حد حاول ياكد لك إن في أصوات من آلاف السنين بتدور في الفضاء حولينا .. واحنا ممكن نسمعها .. ممكن تقوله ايه يا ترى.. أصلي كنت سمعت نظرية علمية من فترة بالمعنى ده، تقريبا يعني .. بعدين من شويه تقمصت الدور وحاولت اقنع أميرة إن صوتها دلوقت ممكن ييجي ناس يسمعوه بعد كام ألف سنة كده .. وقلتلها خللي بالك بقى من مصطلحاتك وكلامك عشان التاريخ بيسجل، وعشان ءاكد لها كلامي قلتلها إنهم خلاص لقيوا صوت نابليون ههههههههههههههههه ..

سلاااااااااااااااام كتير .. ويارب كلامي ما يكونش دمــه تقيييل