نماذج من فن احبـــه
بعـيد عن أي حـاجه وكل حاجه بتحـب المــوسيقــى؟؟ ..
ســــؤال مـالهوش لزمة مش كــده :)) لان إجابته قطـعا معروفة سلفــاً
.. كـتير بحس أن الموسيقى دي لغة غريبة .. لغة ليها وقع السحر .. لغة مش محتاجه لغة .. مش محتاجه ترجمة عشان توصل من هنا لهنا . من شعب لشعب . بتتكـلم عن روحها. بتحكي عن نفسها
.. وبتعجب من حالي جدا .. زمااان أيام الدراسة حتى قبل الجامعة من كتير أوي كده ـ مش كتير اوي يعني :)) ـ كنت دايما أحب اسمع إذاعة أم كلثوم من أول ما تبدأ لحد ما تنهي بثها.. منها عرفت أحب موسيقانا الشرقية الجميلة .. منها عرفت أم كلثوم وعبدالوهاب وفريد ونجاة وناس كتير أوي .. منها عرفت يعني إيه انك تتذوق جمال المعنى والكلمة والحرف واللحن
.. هنا نماذج من فن حقيقي . فن أحبـه
.. فــيروز الســاحرة .. اعشقها .. حقيقي مش في أجمل من انك تبدأ يومك _ بعد القران طبعاً_ أو تنهيه وانت هناك جنب جارة الوادي .. فيروز نسم علينا الهوى . سلملي عليه . سألوني الناس ....... فيروز هي لبنان في سلمه وحربه .. هي الرسول بين قلوب المحبين .فيروز التي ترافقنا أينما كنا وأينما حللنا . فيروز ايل غنت للقدس . وغنت للحب كما لم يغن احد. وأتذكر إني قرأت مرة زمان أيام الثانوي تقريبا كان في حوار مع الراحل العندليب الأسمر عبدالحليم حافظ وكانوا بيسالوه عن أجمل صوت بين الفنانات، كان اختياره فيروز الجميلة .. أنا كمان اختار معاك ياعندليب الساحرة الجميلة فيروز .. دايما في بالي ودايما اختياري
.. مـحمد مــنير .. الفنان الجميل محمد منير .. بموت في صوته من زمااااااان .. واغلب أغانيه ليها معايا ذكريات وأوقات .. أوقات فرح .. أوقات حزن .. أو حتى حيرة وخوف .. فعلا بحب صوته وبحب فنه .. بحس انه مش شبه حد غير نفسه هو وبس .. شبه أرضه .. شبه ثقافته .. شبه النوبة .. وبحترمه .. لأنه ما حاولش ينسلخ بفنه عن بيئته وثقافته بالعكس رجع للتراث الجميل ده وطور فيه بكل حرفيه وإبداع .. محمد منير وقت الفرح والحزن والحيرة والخوف
..عبدالوهـــاب .. موسيقار الأجيال .. من غير دهشه .. بحب أغانيه .. وبحب الرقي في فنه .. ومش عارفه بستغرب كتير رغم إن عبدالوهاب كان معروف بأنه فنان الأمراء وكان اختلاطه اكتر بالطبقة العليا ،، ولكنه قدر يوصل للناس في الشارع ،، قدر يوصل للبسطاء .. اه على فكرة ياريت لو حد عنده أغنية " شكل تاني حبك انت" بصوت عبدالوهاب ياريت يدلني عليها .. وحسنه قليلة تمنع بلاوي كتيره .. وهنيالك يا فاعل الخير :))
عموما .. مش معنى إني كلامي اقتصر على التلات أسامي او التلات اعلام دول إني فعلا مش بحب ناس تانيين برضه من القديم او الجديد بس معناه ان دول في حياتي بيمثلوا علامات فارقة .. يا ترى انتم بقى مين بيمثلولكم علامات في حياتكم ؟؟
.. في الختام .. انتهز الفرصة الشيقة دي (او النضيفة على راي عوكل :))) الأمر سيان .. وأقدم منــاشدة .. وأقول .. يا محمد يا اميرة ارحموووووني .. والنبي من أغانيكم إياها .. واخص بكلامي هنا أميرة وأغنيتها المفضلة ايل بتجيبلي ارتكاريا اغنية الحنطور الشهيرة .. ايل من كتر حبها فيها عاملة فيديو ليها وحاطة الأغنية فيها .. أما محمد اخويا الغالي فبقوله يا محمد من فضلك إحنا صحيح في عصر الديمقراطية ومن حقك تحب ما تشاء وترفض ما تشاء بس أبدا لا مش بالشكل ده
... اييييييه دنيـــا .. صحيح زي ما قال القائل زماااااااان .. كلمة بقـولها لنفسي كتير اوي .. النـاس فيما يعشقـون إيـه مـ ذ ا هـ ب
.. كـتير بحس أن الموسيقى دي لغة غريبة .. لغة ليها وقع السحر .. لغة مش محتاجه لغة .. مش محتاجه ترجمة عشان توصل من هنا لهنا . من شعب لشعب . بتتكـلم عن روحها. بتحكي عن نفسها
.. وبتعجب من حالي جدا .. زمااان أيام الدراسة حتى قبل الجامعة من كتير أوي كده ـ مش كتير اوي يعني :)) ـ كنت دايما أحب اسمع إذاعة أم كلثوم من أول ما تبدأ لحد ما تنهي بثها.. منها عرفت أحب موسيقانا الشرقية الجميلة .. منها عرفت أم كلثوم وعبدالوهاب وفريد ونجاة وناس كتير أوي .. منها عرفت يعني إيه انك تتذوق جمال المعنى والكلمة والحرف واللحن
.. هنا نماذج من فن حقيقي . فن أحبـه
.. فــيروز الســاحرة .. اعشقها .. حقيقي مش في أجمل من انك تبدأ يومك _ بعد القران طبعاً_ أو تنهيه وانت هناك جنب جارة الوادي .. فيروز نسم علينا الهوى . سلملي عليه . سألوني الناس ....... فيروز هي لبنان في سلمه وحربه .. هي الرسول بين قلوب المحبين .فيروز التي ترافقنا أينما كنا وأينما حللنا . فيروز ايل غنت للقدس . وغنت للحب كما لم يغن احد. وأتذكر إني قرأت مرة زمان أيام الثانوي تقريبا كان في حوار مع الراحل العندليب الأسمر عبدالحليم حافظ وكانوا بيسالوه عن أجمل صوت بين الفنانات، كان اختياره فيروز الجميلة .. أنا كمان اختار معاك ياعندليب الساحرة الجميلة فيروز .. دايما في بالي ودايما اختياري
.. مـحمد مــنير .. الفنان الجميل محمد منير .. بموت في صوته من زمااااااان .. واغلب أغانيه ليها معايا ذكريات وأوقات .. أوقات فرح .. أوقات حزن .. أو حتى حيرة وخوف .. فعلا بحب صوته وبحب فنه .. بحس انه مش شبه حد غير نفسه هو وبس .. شبه أرضه .. شبه ثقافته .. شبه النوبة .. وبحترمه .. لأنه ما حاولش ينسلخ بفنه عن بيئته وثقافته بالعكس رجع للتراث الجميل ده وطور فيه بكل حرفيه وإبداع .. محمد منير وقت الفرح والحزن والحيرة والخوف
..عبدالوهـــاب .. موسيقار الأجيال .. من غير دهشه .. بحب أغانيه .. وبحب الرقي في فنه .. ومش عارفه بستغرب كتير رغم إن عبدالوهاب كان معروف بأنه فنان الأمراء وكان اختلاطه اكتر بالطبقة العليا ،، ولكنه قدر يوصل للناس في الشارع ،، قدر يوصل للبسطاء .. اه على فكرة ياريت لو حد عنده أغنية " شكل تاني حبك انت" بصوت عبدالوهاب ياريت يدلني عليها .. وحسنه قليلة تمنع بلاوي كتيره .. وهنيالك يا فاعل الخير :))
عموما .. مش معنى إني كلامي اقتصر على التلات أسامي او التلات اعلام دول إني فعلا مش بحب ناس تانيين برضه من القديم او الجديد بس معناه ان دول في حياتي بيمثلوا علامات فارقة .. يا ترى انتم بقى مين بيمثلولكم علامات في حياتكم ؟؟
.. في الختام .. انتهز الفرصة الشيقة دي (او النضيفة على راي عوكل :))) الأمر سيان .. وأقدم منــاشدة .. وأقول .. يا محمد يا اميرة ارحموووووني .. والنبي من أغانيكم إياها .. واخص بكلامي هنا أميرة وأغنيتها المفضلة ايل بتجيبلي ارتكاريا اغنية الحنطور الشهيرة .. ايل من كتر حبها فيها عاملة فيديو ليها وحاطة الأغنية فيها .. أما محمد اخويا الغالي فبقوله يا محمد من فضلك إحنا صحيح في عصر الديمقراطية ومن حقك تحب ما تشاء وترفض ما تشاء بس أبدا لا مش بالشكل ده
... اييييييه دنيـــا .. صحيح زي ما قال القائل زماااااااان .. كلمة بقـولها لنفسي كتير اوي .. النـاس فيما يعشقـون إيـه مـ ذ ا هـ ب
7 comments:
أنا بحب اغنية الحنطور كمان
:)
على فكرة لو عرفتي حبه في المقامات الموسيقية، هتشوفي الموسيقى بطريقة تانية أجمل كمان.
بس ذوقك جميل بجد
:D
ببقى ماشي في القراية كويس لغاية ما الاقي " ايل " بدل اللي واحس اني اتلخبطت :D
طيب .. بما ان احلى حاجة في المدونة دي بعد اللي بتكتبيه هو الهدوء وبما اني - سبحان الله - باجي المدونة دي في اوقات غالباً بتبقى فيه حاجة بسطتني قبلها ولاني برغي هنا كتير برضه .. لكل الأسباب دي بقى :D
دول اللي بحبهم أوي حتى لو غنوا للقطط
عبد الوهاب الرائع ونجاة اللي صوتها بحس انه طيب وفيه دلال جميل خصوصاً في كوبليهات معينة في عيون القلب أغنيتي المفضلة ليها ، أم كلثوم دي قصة طويلة بس للحق مش كل اغانيها بحبها ، بس بحب شوية كوبليهات ياااربي .. تودي الواحد في دنيا تانية وبرضة كان بيسمعها المثقف والمتعلم والأمي وبيفهموا الفصحى وتأثر فيهم معانيها ... مبحبش فريد وعبد الحليم حافظ ليه اغنيتين بس بحبهم لكن مبحبوش كشخص خاالص ... بحب محمد فوزي بظرفه ولطفه التلقائي اللذيذ ، بحب أوي اوي سيد درويش وبحس انه ينفع يغني لأي وقت مع ان ليه اغاني تودي في داهية ميعرفهاش الا الغاويين لاغانيه ، بعد كده بقى بالترتيب بحب دول ، بحبهم يعني معظم أغانيهم مش لازم كله يعجبني
عمرو دياب وده حالة خاصة جداً من الحب المليان حيوية وذكاء ودلع وغرور مقبول واللي يسمع وهشام عباس وفضل شاكر وشوية حاجات قديمة لهاني شاكر محدش يعرف يقولها تاني زيه ، حاجات قديمة لمحمد فؤاد واغنيتين ولاد لذين لخالد عجاج ( متتغرش و أصعب حب ) والواد لؤي ليه اغاني جامدة ، اتنين بقى بره القصة دي وعلى جنب لوحديهم : منير وكاظم ..دول مينفعش اتكلم عنهم لان مهما قلت عن معنى واحد احتل وجداني من معانيهم مش هيكفي برضه ، اللي بقالي شهر بالظبط بسمعه بقى وداخل دماغي ومنغشش فيها الواد محمود العسيلي بتاع الدنيا مجنونة ، الواد ده اول ما طلع كنت بتريق عليها بس ألبومه الجديد " مين أنا " أروع ما سمعت بعد البوم فضل الأخير ، وتامر حسني شريطه الجديد فيه كام اغنية ولاد لذين يضحكوا ويبكوا ويتنططوا وكل حاجة
كفاية اوي اوي كده مش هكمل :D
، ده انا كتبت اكتر من البوست بتاعك
لعن الله ألسنة لا تكف عن الكلام وكي بورد لا تلسع صاحبها في يده ليكف عن كتابة التعليقات المطولة
وبس :)
abdou basha
:) بتحب انت كمان اغنية الحنطور .. ماذا اقول هههههه ايييييه دنيا .. كمل انت بقى ;)
اه .. ليه مش قلت مين العلامات الفارقة في حياتك؟؟ اكييد مميزين جدا باعتبارك مش بس كاتب لا وكمان فنان ..
عموما .. وجودك هنا اسعدني جدا .. وتعليقك الحلو اوي ده كمان اسعدني .. ويا ريت ما تحرمناش من الزيارات الغالية دي :))
---------------
abd el rahman
:)) موتني من الضحك بجد ..
بص فاكر الجملة دي " لا تجادل ولا تناقش يا اخ علي" من فيلم طيور الظلام .. نحن هنا كده بقى .. ديكتاتورية وما فيش امل في اي اصلاح :)) .. وبعدين ايه حكاية ولو غنوا للقطط دي
تعرف .. بجد وجودك وكلامك دايما بيسعدني .. ويا سيدي ولا يهمك ارغي زي ما انت عاوز .. وعلى فكرة كل اختياراتك جميلة .. واتفق معاك اني كمان فريد يمكن مش بحب ليه غير اغنية واحدة هي " عش انت " .. بس كتير من ايل ـ ها واخد بالك ايل تبعيتي مش تباعيتك ـ :)) كتير منهم برضة ليهم حاجات جميلة مميزة
نورتني .. واهلا بيك دايما
عارفة المثل اللى بيقول فية معناة لو تتشابهت السلع بارت
لان كل حاجة هتكون هيا نفس الحاجة اللى جنبها يعنى اشيل وامشى وارضى بأى حاجة لان مفيش فرق بين اى حاجة
الاختلاف رحمة ودة بيخلى كل انسان يروح للجنب اللى يريحة
بوست مميز
تحياتى
tamer nabil ..
ايوة يا تامر عارفاه "لولا اختلاف الاذواق لبارت السلع"..
وزي ما انت بتقول كده بالظبط الاختلاف رحمه .. بس مش عارفه ليه بعتقد اننا ممكن نتقبل الاختلاف عننا بدرجه محددة يعني مش على اطلاقها .. مثلا في علاقاتنا الاجتماعية نفسها صعب تلاقي اتنين قريبين من بعض مختلفين اختلاف كبير هو صحيح مش مطلوب يكونوا كوبي عن بعض بس برضه في درجه من الاختلاف ولو ما هياش كبيرة
تعرف ان المقولة بتاعتك هنا عن اختلاف الاذواق دي .. كانت في بالي برضه وان بكتب .. بس تعرف اجمل حاجه فيها اييييه .. فكرتني بواحدة صحبتي أيام الجامعة الله يمسيها بالخير كانت كل ما تعرف ان واحدة اتخطبت كانت تقول نفسسسسس الكلمة
:))
وجودك الجميل وتشجيعك الطيب دايما بيسعدوني ..
بشكرك حقيقي ع المرور الجميل
مقالة مفيدة
وممتعة
تسلمى حبيتى عليها
ست البنات
انت ايل تسلمي يارب .. على مرورك وتعليقك ..
سعيدة بمروك
تحياتي
Post a Comment